அவசரம் – ஒரு பக்கக் கதை

“ஹலோ, உன்கிட்ட கொஞ்சம் பேசலாமா?”

தனது கைபேசியில் வந்த குறுஞ்செய்தியைப் பார்த்து யாராகயிருக்கும் என குழம்பிப்போனாள் ஐஸ்வர்யா.

“பேசறது அப்புறம் இருக்கட்டும். முதல்ல நீ யாரு !” தனது கைபேசியிலிருந்து குறுஞ்செய்தி ஒன்றைத் தட்டிவிட்டாள் ஐஸ்வர்யா.

“அத அப்புறம் சொல்றேன். முதல்ல உன்கூட பேசறதுக்கு அனுமதி கொடு!” –

குறுஞ்செய்தியைப் பார்த்ததும் ஐஸ்வர்யா கோபத்தின் உச்சியில் இருந்தாள். ” நீ என்னடா பேசறது, நானே பேசறேன்!” அவனது எண்ணுக்கு டயல் செய்தாள் ஐஸ்வர்யா.

பொண்ணுங்க நம்பர எப்படியாவது கண்டுபிடிக்கிறது. கண்ட கண்ட மெசேஜ் அனுப்பறது. அப்புறம் ஐ லவ் யூன்னு சொல்றது. இப்பிடி எத்தன பேர்டா கிளம்பியிருக்கீங்க !” கோபத்தில் வெடித்தாள் ஐஸ்வர்யா.

ஹலோ, நான் ஒண்ணும் அந்த மாதிரி ஆள் கிடையாது. பிரவுசிங் சென்டருக்கு போன நீ, உன் பயோடேட்டாவ டைப் பண்ணி அத டெலிட் பண்ணாம வந்துட்ட, வேற யாராவது அத ஓப்பன் பண்ணி படிச்சிருந்தா நீ சொன்னதெல்லாம் நடந்திருக்கும். இனியாவது உஷாரா இரு!” – போனை கட் பண்ணினான் இளமாறன்.

“சாரி!” என்று குறுஞ்செய்தி ஒன்றை அனுப்பிவிட்டு அவனது பதிலுக்குக் காத்திருந்தாள் ஐஸ்வர்யா.


#படித்ததில் பிடித்தது